श्री खंडोबाचे मैलारपूर ( नळदुर्ग ) मध्ये आगमन , आता पावणे दोन महिने मैलारपूर (नळदुर्ग ) मध्ये मुक्काम ...

श्री खंडोबाचे मुस्लीम भक्त

अणदूर - मैलारपूर ( नळदुर्ग ) च्या खंडोबाचे असंख्य हिंदू भक्त आहेत. खंडोबाच्या दर्शनासाठी महाराष्ट्र, कर्नाटक व आंध्रप्रदेशातील अनेक भक्त वर्षातून एकदा तरी दर्शनासाठी येत असतात. पण त्यांचे कोणाला कौतुक वाटत नाही, कौतुक वाटते ते दोन मुस्लीम भक्तांचे. बाबूराव पिंजारी व याकुब शेख अशी त्यांची नावे. बाबूराव पिंजारी यांचे वय 70 च्या पुढे आहे. वयाच्या 30 वर्षापासून ते श्री खंडोबाच्या पुजेसाठी दररोज फुले देत आहेत. सध्या त्यांच्या डोळ्याला दिसत नाही, तरीही त्यांची सेवा कधी चुकलेली नाही.याकूब शेख हे यांचे वय 60 वर्षे असून गेल्या 35 वर्षापासून श्री खंडोबाचा नगारा वाजविण्याचे काम ते करतात. श्री खंडोबाची सकाळी व रात्री अशी दोन वेळा पुजा केली जाते, या दोन्ही वेळी नगारा वाजविण्याचे काम याकूब शेख नित्यनियमाने व चोखपणाने करतात.