श्री खंडोबा कँलेडरचे थाटात प्रकाशन
श्री खंडोबा देवस्थानने यावर्षी प्रथमच श्री खंडोबाचे छायाचित्र आणि माहिती असलेले १५ बाय २० आकाराचे कँलेडर प्रसिध्द केले आहे.या कँलेडरचे प्रकाशन एका छोट्याच्या समारंभात करण्यात आले.यावेळी उस्मानाबादचे ज्येष्ठ पत्रकार राजाभाऊ वैद्य,ट्रस्टचे अध्यक्ष प्रकाश मोकाशे, उपाध्यक्ष दिलीप शिवराम मोकाशे, सचिव सुनील ढेपे, सदस्य अशोक मोकाशे, दिलीप गोविंदराव मोकाशे, मराठवाडा लाइव्हचे संपादक सुनील बनसोडे आदी उपस्थित होते.
उपस्थितांचे स्वागत सुधाकर ढेपे,प्रकाश ढोबळे,रमेश मोकाशे आदींनी केले.
यावेळी संजय पाटील - दुधगावकर आणि राजाभाऊ वैद्य यांचा शाल,श्रीफळ, खंडोबाचा फोटो देवून आणि फेटा बांधून सत्कार करण्यात आला. प्रास्ताविक भाषणात सचिव सुनील ढेपे यांनी ट्रस्टने केलेल्या विकास कामांची माहिती दिली.
यावेळी उपाध्यक्ष संजय पाटील यांनी यात्रेच्या दिवशी पाणी टंचाई भासू देणार नाही, तसेच मंदिराच्या विकास कामासाठी हातभार लावू,असे आश्वासन दिले.शेवटी उपस्थितांचे आभार अध्यक्ष प्रकाश मोकाशे यांनी मानले.
लाखो भाविकांच्या उपस्थितीत खंडोबाची यात्रा सुरळीत
नळदुर्ग - तुळजापूर तालुक्यातील मैलारपूर येथील कुलदैवत श्री
खंडोबाची यात्रा मोठ्या उत्साहाने व शांततेत पार पडली.गेल्या तीन दिवसांत
दहा लाखाहुन अधिक भाविकांनी रांगेत आणि शिस्तीत दर्शन घेतले.
यात्रेनिमित्त श्री खंडोबाचा वाजत - गाजत छबिना काढण्यात आला तसेच विविध
धार्मिक कार्यक्रम पार पडले.
मैलारपूरचा श्री खंडोबा महाराष्ट्र आणि कर्नाटक राज्यातील लाखो भाविकांचे कुलदैवत आहे. यात्रेसाठी किमान पाच लाख भाविक येत असतात.यंदा मात्र रेकॉर्ड ब्रेक यात्रा पार पडली. श्री खंडोबाची यात्रा पौष पोर्णिमेला पार पडत असते. यंदा रविवार व सोमवार सलग दोन दिवस पोर्णिमा आल्याने रविवारी पहाटे पासूनच भाविकांची मोठी रांग लागली. रविवार,सोमवार तसेच मंगळवार असे तीन दिवस सलग रांग चालू होती.
यात्रेसाठी श्री खंडोबा मंदिराचा भोवतालचा संपूर्ण माळराण भाविकांनी फुलून गेले होते. जिकडे - तिकडे वाहनांची तसेच माणसांची गर्दी दिसून आली.यात्रेसाठी विविध ठिकाणाहून सातशेहून अधिक नंदीध्वजाचे (काठ्यांचे )आगमन झाले होते.भाविकांना अंगोळीसाठी बोरी नदीच्या कालव्यातून पाणी सोडण्यात आले होते.तसेच नदीच्या घाटावरही भाविकांनी अंगोळ करून, श्री खंडोबाचे दर्शन घेतले.तसेच काही भाविकांनी दंडवत घालत आपला नवस पुर्ण केला.भंडारा तसेच खोबरे उधळून येळकोट, येळकोट जयघोष केला. भाविकांनी उधळलेल्या भंडा-यामुळे मंदिर परिसर पिवळा झाला होता.भाविकही भंडा-यांने न्हाहून निघाले होते.
श्री खंडोबाला पुरण - पोळीचा नैवेद्य चालतो.भाविकांनी आपापल्या नेमूण दिलेल्या ठिकाणी चूल मांडून स्वयपाक केला तसेच नैवेद्य पण तयार करून श्री खंडोबा नैवैद्य दाखविला.तसेच श्रीफळ फोडून तसेच चांदीचे तसेच पितळ्याचे घोडे वाहून नवस पुर्ण केला.
दर्शनासाठी श्री खंडोबा देवस्थानच्या वतीने दर्शन बारी तयार करण्यात आली होती.त्यामुळे भाविकांनी रांगेत तसेच शिस्तीस दर्शन घेतले.तसेच मंदिरावर विद्युत रोषणाई करण्यात आल्यामुळे रात्रीच्या वेळी मंदिर उजाळून निघाले होते.दर्शन झाल्यानंतर बच्चे कंपनीसाठी पाळणे, खेळणी तसेच करमणुकीचे साधने असल्यामुळे भाविकांनी त्याचा आनंद लुटला.
वाजत - गाजत छबिना
सोमवारी मध्यरात्री बारा वाजता नळदुर्गच्या मानाच्या नंदीध्वजाचे आगमन झाले.त्यानंतर अणदूरच्या श्री खंडोबा मंदिरातील दोन्ही घोड्याचे आगमन झाले. यावेळी शोभेचे दारूकाम करण्यात आले.त्यानंतर मध्यरात्री दोन वाजता मंदिर ट्रस्टच्या वतीने अणदूर व नळदुर्ग मानक-यांचा सत्कार करण्यात आला.त्यानंतर पहाटे तीन वाजता छबिन्यास प्रारंभ झाला. समोर दोन घोडे, पालखी आणि गावागावांतून आलेल्या काठ्या समवेत नदीकाळावरील मसोबा , जुने मंदिर मार्गे वाजत - गाजत छबिना काढण्यात आला.हलगीच्या तालावर नाचणारे वारू, विविद्य वाद्यात येळकोट, येळकोट जय मल्हारचा जयघोष करीत श्री खंडोबाचा छबिना सकाळच्या सहा वाजण्याच्या सुमारास पार पडला.
यात्रा शांततेत पार पडण्यासाठी श्री खंडोबा देवस्थान ट्रस्ट व पुजारी मंडळाने सलग तीन दिवस परिश्रम घेतले.तसेच नळदुर्ग पोलीस स्टेशनच्या पोलीसांनी रात्रंदिवस डोळ्यात तेल घालून काम केले.पोलीस निरीक्षक शेटगार यांनी सलग तीन दिवस जागे राहून काम केल्याने यात्रा शांततेत पार पडली.पोलीसासाठी श्री खंडोबा देवस्थानने जेवण्याची व राहण्याची व्यवस्था करून जिव्हाळा जपला.
मैलारपूरचा श्री खंडोबा महाराष्ट्र आणि कर्नाटक राज्यातील लाखो भाविकांचे कुलदैवत आहे. यात्रेसाठी किमान पाच लाख भाविक येत असतात.यंदा मात्र रेकॉर्ड ब्रेक यात्रा पार पडली. श्री खंडोबाची यात्रा पौष पोर्णिमेला पार पडत असते. यंदा रविवार व सोमवार सलग दोन दिवस पोर्णिमा आल्याने रविवारी पहाटे पासूनच भाविकांची मोठी रांग लागली. रविवार,सोमवार तसेच मंगळवार असे तीन दिवस सलग रांग चालू होती.
यात्रेसाठी श्री खंडोबा मंदिराचा भोवतालचा संपूर्ण माळराण भाविकांनी फुलून गेले होते. जिकडे - तिकडे वाहनांची तसेच माणसांची गर्दी दिसून आली.यात्रेसाठी विविध ठिकाणाहून सातशेहून अधिक नंदीध्वजाचे (काठ्यांचे )आगमन झाले होते.भाविकांना अंगोळीसाठी बोरी नदीच्या कालव्यातून पाणी सोडण्यात आले होते.तसेच नदीच्या घाटावरही भाविकांनी अंगोळ करून, श्री खंडोबाचे दर्शन घेतले.तसेच काही भाविकांनी दंडवत घालत आपला नवस पुर्ण केला.भंडारा तसेच खोबरे उधळून येळकोट, येळकोट जयघोष केला. भाविकांनी उधळलेल्या भंडा-यामुळे मंदिर परिसर पिवळा झाला होता.भाविकही भंडा-यांने न्हाहून निघाले होते.
श्री खंडोबाला पुरण - पोळीचा नैवेद्य चालतो.भाविकांनी आपापल्या नेमूण दिलेल्या ठिकाणी चूल मांडून स्वयपाक केला तसेच नैवेद्य पण तयार करून श्री खंडोबा नैवैद्य दाखविला.तसेच श्रीफळ फोडून तसेच चांदीचे तसेच पितळ्याचे घोडे वाहून नवस पुर्ण केला.
दर्शनासाठी श्री खंडोबा देवस्थानच्या वतीने दर्शन बारी तयार करण्यात आली होती.त्यामुळे भाविकांनी रांगेत तसेच शिस्तीस दर्शन घेतले.तसेच मंदिरावर विद्युत रोषणाई करण्यात आल्यामुळे रात्रीच्या वेळी मंदिर उजाळून निघाले होते.दर्शन झाल्यानंतर बच्चे कंपनीसाठी पाळणे, खेळणी तसेच करमणुकीचे साधने असल्यामुळे भाविकांनी त्याचा आनंद लुटला.
वाजत - गाजत छबिना
सोमवारी मध्यरात्री बारा वाजता नळदुर्गच्या मानाच्या नंदीध्वजाचे आगमन झाले.त्यानंतर अणदूरच्या श्री खंडोबा मंदिरातील दोन्ही घोड्याचे आगमन झाले. यावेळी शोभेचे दारूकाम करण्यात आले.त्यानंतर मध्यरात्री दोन वाजता मंदिर ट्रस्टच्या वतीने अणदूर व नळदुर्ग मानक-यांचा सत्कार करण्यात आला.त्यानंतर पहाटे तीन वाजता छबिन्यास प्रारंभ झाला. समोर दोन घोडे, पालखी आणि गावागावांतून आलेल्या काठ्या समवेत नदीकाळावरील मसोबा , जुने मंदिर मार्गे वाजत - गाजत छबिना काढण्यात आला.हलगीच्या तालावर नाचणारे वारू, विविद्य वाद्यात येळकोट, येळकोट जय मल्हारचा जयघोष करीत श्री खंडोबाचा छबिना सकाळच्या सहा वाजण्याच्या सुमारास पार पडला.
यात्रा शांततेत पार पडण्यासाठी श्री खंडोबा देवस्थान ट्रस्ट व पुजारी मंडळाने सलग तीन दिवस परिश्रम घेतले.तसेच नळदुर्ग पोलीस स्टेशनच्या पोलीसांनी रात्रंदिवस डोळ्यात तेल घालून काम केले.पोलीस निरीक्षक शेटगार यांनी सलग तीन दिवस जागे राहून काम केल्याने यात्रा शांततेत पार पडली.पोलीसासाठी श्री खंडोबा देवस्थानने जेवण्याची व राहण्याची व्यवस्था करून जिव्हाळा जपला.
